باعو الله
باعو الله !!
(والله ما ينباع سلعه)
منين ما دور گصصهم نلگه دم !!
الجامع اليقبل يلمهم
(بيت عاهر)
ذبحو اهلي وصاحو ( الله )
والله عدهم مدري كم !!
حرمو كلشي اعله كلشي
وما لگينه بكلشي دين!!
الله ندري شگد كرهم
والله يمنه وماهو يمهم
الله من ذبحو رقيه
الدنيا
غرگها بحسين
الدنيا ما شالت جثثهم تدري عفنه
الگاع "فشلت" من گصصهم
والارض شيخ العشيره
وطردتهم..
كتبت اعليهم رذيله
(وذبتلهم سند طين)
الله دزلهم جهنم
لبساها بثوب جندي
ونزل الجنه كمين
وكفرونه؟؟
وكفرونه؟؟
وگمنه ما نعرف ننام!!
شلون ما نحضن "مخده" صاحو النومه حـــرام
عمي ردو الدين اهلكم..
ردو اعبدو حجاره ميته!!
وخل ندور الله بسلام
كلشي عدكم قتله جائز!!
كلشي عدكم للنكاح!!
امس بلبل يمنه گاعد شايل برجلينه حصوه؟؟
الغيره كاتلته اعله مرته
وما ينام الا بسلاح
العجيبه بهذا "ربكم"
هوه لو هم يعبد "الله"
الطير من خوفه استراح
والعجيبه شگد عجيبه
من تمرون "بملاهي" تضل عزيزه
ويا حسافه اعله "الجوامع"
بس تمرون اعله "جامع"
صاحو "ابيت الله" طــــاح
الشاعر علي كاظم الصبيحاوي