انه مو ضد ولا ويه احد تعرفون
انه مو ضد ولا ويه احد تعرفون
گضيت العمر اطلع وارجع بحالي
رغم ايدية جانت من امدها طوال
مامديتها العنگود مو مالي
مثل ما محترم نفسي وجنابك ، كون
تجي تحترم اصغر طفل بأطفالي
اليخنگني لان طيارتي الفوگاي
والبيها امس جان ايتعنالي
انه الخليتلة بصينية امي الزاد
اهو برميل فوگ الغرفة خلالي
اني ادري يزيد الأمر كتل حسين
ومصاب الحسين مصابي بالتالي
مصابي وجاي مني تريد تاخذ ثار
لا يطلع يزيد يصير ابن خالي ؟
محمد سعيد الطائي