ترف ماي الندى لو مسك ياذيك
ترف ماي الندى لو مسك ياذيك ،،
دمك عالجلد يطلع بدون جروح ..
بشر مالح حلوو فاهي ببراءه اشلون
جسمك بالورد لوو بالعسل مملوح ،،،
يماخذ كل حلات الناس وين اتروح ،،
الورد كاشخ بعطرك حيل متبآاهي
المالح والحلو والترف والمعسوول ...
يم حسنك شلع بيهم طعم فاهي...
النحل ياخذ رموشك مو ورد لو جاع .
على خدودك سوالف بيهه بنت ابيوت
العدل مات بجمالك منه لووو مريت ،،
والميت صحه وهم يدري رآاح ايموت
شفافك والحلگ مصيوغه من بوسات
برگبتك يخدر السجين لو مرهههههه.
يشبگ رگبتك ويشمهه بس باحساس
ويرد يلزم رگبته وبيده ينحرههههههه
يبو خصر المذله لكل ترف وانسان ،،،
ومابين الخصر والرگبه واهس موت ،
حجيك ينسمع گبل الحجي بچم يوم
صوتك بي صور مرسومه گبل الصوت
من تمشي بسلف وياك ناس اتطيح
يالبطولك نظرنه موشل وممدووووود،
الدود الحدر جدمك من يرد للغآار ،،
يموت .ومن حلاتك دووود ياكل دود ،،